الاب الشبابي والاب القلق (قروب الرد والنقد)

Admin

بسم الله الرحمن الرحيم

قروب الرد والنقد (أسبوع الاسرة)

في هالموضوع حبيت اتناول بعض الحالات الي شاهدتها بنفسي وعايشتها

ابوي فله - ابوي شبابي - ابوي رايق ويعطيك جوك

كلمات نسمعها من بعض الابناء عن أبائهم الي تلاقيهم يماشون ابنائهم

(ولا يدققون كثير) في أفعالهم واخلاقهم فتجدهم حتى على المعاصي يساعدونهم

وكان الامر سهل وكله من باب الشبابيه

حالة اولى

كنت عند واحد من الشباب ودخل ابوه علينا وقال يا فلان معك دخان؟؟؟
قال لا قال خذ اجل ورمى عليه بكت دخان جديد وطلع!!!! انا بلمت صراحه قال صديقي
وش رايك في ابوي يعجبك فله صح؟؟؟ قلت الله يحفظك لك واناصراحه منصدم منه

حالة ثانيه شفتها

كنت في المزرعه وجانا ضيف ومعه ولده المراهق عمره 15 او اقل المهم الولد
احسه متضايق وكل شوي يقول لبوه يله خلنا نمشي قلت وش فيك متضايق؟
ابوه جلس يضحك قال شكلها ما اتصلت عليه اليوم.......! يقصد صديقة ولده
قلت يمكن رايحه مع امها السوق وانا منقهر من هالعقليه ونعم الاب.

همسة لهذا النوع من الاباء
لا تنسى انك قدوه وحتى لو كنت مدخن او شارب خمر او صاحب معاكسات
لا تظهر ابداً ان الامر مقبول وعادي لابنائك لانهم في الاخير سوف يلومونك على هذا الموافقه

هذا الجزء الاول من الموضوع

ابوي معقدني - ابوي عصبي - ابوي قلق

كلمات نسمعها من الشباب عن ابائهم الي يتصفون دائما بالعدوانيه والتشديد
تلاقي الاب يحب يتحكم في ابنه في تصرفاته في كلامه في لبسه في كل شي
يحب يظهر لهم دوم انه هو الاب وهو الي يصرف عليهم ويذلهم
واي واحد يتصرف غلط هذا اكبر صايع وهذا ما يخاف الله ويعق والديه
رجال كبار متزوجين وتلاقي ابائهم يتحكمون فيهم حتى في امورهم الشخصيه العائليه
ما يعرف كلمه حلوه ما يعرف كلمه الله يهديك يا ولدي دوووم كاسر خاطر ولده
وهذا من باب اني اخاف عليك وابيك تطلع رجال .
وين يطلع رجال وانت هذا اسلوبك معه

صار لي موقف بس هالمره تكلمت صراحه كنت في مجلس وفيه واحد اعرفه
معه ولده عمره في 17 سنه قام الاب يصارخ على ولده قدام الرجال
يقوله انت ما تفهم يا غبي الله يلعن ام.... ذبحتني,,,, الولد طلع من المجلس وعيونه في الارض
والله تضايقت وقلت لبوه وش فيك عليه؟ قال هذا ما يفهم قلت ياخوي ماهي طريقه كسرت خاطره
وفشلته قدامنا قال ما تعرفونه انتم هذا غبي قلت ولدك يعني وش تسوي تطرده وسع صدرك عليه
والله ترا شخصيته انهزت بسببك والله ان ولدك رجال محترم وعاقل بس انت الي ما عرفت له
وترا والله بيضيع ولدك بسبب تعاملك معه انتبه له .والحمد لله بدا يتغير اسلوبه معه

همسه لهذا النوع من الاباء
العصبيه والضرب والقوه لا تستخدم في كل الاوقات واعلم ان هناك مراحل عمريه للابناء
يجب عليك احترامهم وتقديرهم كرجال ولبناء شخصيه قويه لابنائك تساعدهم في حياتهم

زبدة الموضوع

خير الامور الوسط
(لاتكن قاسيً فتكسر ولا لينً فتعصر)

واترك لكم المجال في النقاش عن الاب الافضل بنظرك
والبنات ياليت يقولون لنا عن الامهات
الفله والامهات القلق من واقع مشاهداتهم

شيخ المنتدى

والله القلق عند ابوي

» اللهجـات السعوديـه في الرد على التليفون ....