امير الضيربان

كان ياما كان ..في قديم الزمان ..و سالف العصر و الأوان ..لحتى كان .

كان في أمير الضيربان ..
تأمز مأميزو ..
و قع المخرز من إيدو
نزل ليجيبو
طأ صار شويط ..

شافتو النملة .. قام وقت شافتو هيك ..تمرمرت مرمران ..
وهي ماشية مرت من ناحية حاوية الزبالة :
سالتها الحاوية : ( ليش النملة مرمران )
قالتها النملة :
النملة مرمران ..على أمير الضيربان
تأمز مأميزو ..
و قع المخرز من إيدو
نزل ليجيبو
طأ صار شويط ..
قامت هالزبالة : من زعلها : بحتت كل هالزبالة على الأرض .

شافتها الشجرة : قالتها : ( ليش الزبالة باحتان )
قالتها الزبالة :
الزبالة باحتان
والنملة مرمران
على أمير الضيربان
تأمز مأميزو ..
و قع المخرز من إيدو
نزل ليجيبو
طأ صار شويط ..
و قامت الشجرة من زعلها : هرت كل وراقها

من ناح الشجرة راعي
سألهم : ليش الشجرة هراران
قامت قالتلو الشجرة :
و الله الشجرة هراران
و الزبالة باحتان
و النملة مرمران
على أمير الضيربان
تأمز مأميزو ..
و قع المخرز من إيدو
نزل ليجيبو
طأ صار شويط ..

و قام الراعي : قطع قرون الغنم كلها ، و لبسها على راسو :

وهو عم يسرح بالغنم مر من ناحية بيت فيه امراة عم تشتغل صوف ..قامت وقت شافتو هيك : سالتو :
ليش الراعي بقرون و الغنم بلا قرون
قام قلها الراعي :
الراعي بقرون و الغنم بلاقرون
و الشجرة هراران
و الزبالة باحتان
و النملة مرمران
على أمير الضيربان
تأمز مأميزو ..
و قع المخرز من إيدو
نزل ليجيبو
طأ صار شويط ..
و قامت من زعلها ، مسكت السنارة ،و عروت فيها عينها .
المسا اجا زوجها على البيت .. قام سألها : ليش عينك عوران .
.
.
.
القصة طويلة
حدا بيعرف أمير الضيربان .. أو سمعان قصتو